Мюнхеннинг “Бавария” клуби спорт директори лавозимида ишлаётган Макс Эберль Жамол Мусиаланинг келажаги ҳақида гапирди. 21 ёшли юлдузнинг шартномаси 2026 йилда тугаши сабабли, яқин орада клубни тарк этиши мумкинлиги айтилмоқда.
"Жамол ҳеч кимга ўхшамайдиган футболчи. Деярли ҳар бир ўйиндан сўнг жамоадошлари ундан хурсанд бўлишади. Эндигина 21 ёшда у ўзини энг юқори даражада исботлади ва унинг "Бавария"даги саёҳати ҳали тугамаган.
У совринларни қўлга киритишни истайди, биз ҳам худди шундай мақсадни қўйганмиз. Жамол ва мен доимо алоқадамиз ва бизни кейинги муҳокамалар кутмоқда. Келажакда Мусиала клубимиз юзига айланиши керак", - деди Эберль.
