Машҳур нидерландиялик собиқ футболчи Рафаэль ван дер Ваарт "Бавария"нинг ҳужумкор ярим ҳимоячиси Лерой Саненинг фаолияти ҳақида гапирди.

"Мен Саненинг уйғонишини кутяпман. Менимча, у ўз қобилиятининг атиги 20 фоизида ўйнаяпти. Бу ўзингизни тўлиқ кўрсатиш учун етарли эмас. Агар у ўзини 100% кўрсатса нима бўлишини ўйлаб кўринг. Лерой ҳозир 28 ёшда. У анча олдин Мбаппе даражасида бўлиши керак эди", - дейди Рафаэль.

Лерой “Бавария” сафида 175 та ўйин ўтказиб, 48 та гол ва 50 та голли узатмани амалга оширган.