Қирғиз Республикаси президенти Садир Жапаров ўзбекистонлик бокс мураббийи Акмал Ҳасанов билан учрашиб, унга Мунарбек Сейитбек уулунинг Париждаги Олимпия ўйинларидаги ғалабасига қўшган ҳиссаси учун миннатдорлик белгиси сифатида Чевролет Tracker автомобилини совға қилди.
“Марказий Осиё халқлари бир-бирини қўллаб-қувватлаб, ҳамжиҳатлик, дўстона муносабатларни намоён этишини бутун дунё кўрди. Спорт тинчлик элчиси деб аталади. Сиз ўз намунангиз билан ўзаро тотувликни мустаҳкамлашга ҳисса қўшдингиз. Бирлигимиз янада мустаҳкамланишини тилайман", деган президент.
Маълумот учун, Акмал Ҳасанов Парижда қирғизистонлик боксчи Мунарбек Сейитбек уулунинг 3 та жангида мураббийлик қилди. Финалда Сейитбек уулу ўзбекистонлик боксчи билан жанг қилди ва мағлубиятга учраб Олимпиада кумуш медали билан тақдирланди.
