Украина терма жамоаси ва Донецкнинг «Шахтёр» клуби ярим ҳимоячиси Георгий Судаков Лондоннинг «Челси» клуби қанот вингери Михаил Мудрик сайёрамизнинг энг яхши футболчиси бўлишга қодирлигини айтди.
«Михаил Мудрик - ақл бовар қилмайдиган футболчи, унинг юқори чегараси йўқ. У ўзининг фазилатлари эвазига «Олтин тўп»ни қўлга киритиши мумкин, аммо ҳаммаси фақат унга боғлиқ», - дея Судаковнинг сўзларини келтиради "Sky Sports".
Кеча Мудрик ва Судаков ўрин олган Украина терма жамоаси Миллатлар лигасида Чехияга 2:3 ҳисобида мағлуб бўлди.
