Андалусия клубида ижара асосида тўп тепаётган "Севилья" ярим ҳимоячиси Алберт-Мбойо Локонга яна тиззасидан жароҳат олди.
Бу жамоа машғулотлари вақтида содир бўлди. Локонга мавсум бошланишидан олдин ўзининг биринчи бундай жароҳатини олди ва шу сабабли Ла Лиганинг биринчи турини ўтказиб юборди.
Жароҳатдан тикланиш одатда бир неча ҳафтадан бир неча ойгача давом этади.
"Севилья" тиббиёт штаби Локонга 4-5 ҳафта ичида машғулотларга қайтиши мумкинлигини тахмин қилмоқда, яъни у "Хетафе", "Вальядолид" ва "Бетис"га қарши бўлиб ўтадиган ўйинларни ўтказиб юборади.