"Манчестер Сити" январдаги трансфер ойнасида ўз таркибини кучайтириши мумкин.

Август ойида "шаҳарликлар" "Атлетико Мадрид"га бонусларни ҳисобга олмаганда 75 миллион еврога сотиб юборилган Хулиан Альваресдан айрилди. Инглиз гранди ҳали аргентиналик футболчининг ўрнига бирор футболчи билан шартнома имзолагани йўқ, аммо январда буни амалга ошириши мумкин. Transfer News Live хабарига кўра, "Манчестер Сити" қишки трансфер ойнаси очилганда янги ҳужумчини таклиф қилмоқчи.

Айни дамда Пеп Гвардиолада ҳужумчи билан боғлиқ ҳеч қандай муаммо йўқ: Эрлинг Холанд соғлом ва АПЛнинг атиги 3 туридан кейин еттита гол уришга муваффақ бўлди.