"Фенербахче" бош мураббийи Жозе Моуриньо "Реал Мадрид"нинг ўсиб бораётган юлдузи Арда Гюлер ҳақида ўз фикрларини билдирди.
Ҳужумкор ярим ҳимоячи 2023 йилнинг ёзида "Фенербахче"дан "Қироллик клуби"га ўтган эди.
Жозе Туркияда Гюлер билан ишламаган, лекин унинг иқтидорини юқори баҳолайди: “Анчелотти қўл остида Арда кўп нарсани ўрганиши мумкин. Туркия терма жамоасида ўйнаш, Европа чемпионати каби турнирларда қатнашиш ҳам муҳим омиллардир. Дунёнинг энг катта клубида фақат юқори даражадаги футболчилар бўлиши мумкин. Албатта, Гюлер энг юқори салоҳиятга эга футболчилардан бири”, - деди Моуриньо HT Spor нашрига берган интервьюсида.
