"Тоттенхэм" ярим ҳимоячиси Родриго Бентанкур ирқчиликда айбланди.
“Canal 10” кўрсатуви эфирида бошловчи Родригодан ўзи учун Сон Хён Миннинг футболкасини олишни сўради.
Футболчи бунга беўхшов ҳазил билан жавоб берди: “Соннинг футболкасиними? Асосийси, уни амакиваччаси билан адаштирмаслик керак, чунки уларнинг ҳаммаси бир хил кўринишга эга".
ФА баёнотида айтилишича, ярим ҳимоячи интервью пайтида номақбул хатти-ҳаракатлари учун ФА қоидасини бузганликда айбланган.
Родриго 19-сентябргача ўз баёнотини тушунтириши керак. Акс ҳолда, футболчига нисбатан жазо чоралари қўлланилади, аммо қайсилари ҳақида маълумот берилмаган.
