Франция терма жамоаси ва "ПСЖ"нинг ҳужумкор ярим ҳимоячиси Усмон Дембеле фаолиятини Англия Премьер-лигасида давом эттириш учун бир нечта вариантга эга.
Манбага кўра, вингер хизматларига "Манчестер Сити", "Ливерпуль" ва Лондоннинг "Арсенал" клублари қизиқиш билдирмоқда. 27 ёшли футболчининг парижликлар билан меҳнат шартномаси 2028 йилнинг ўрталарига қадар тузилган.
Франциялик футболчининг бозор қиймати 60 миллион еврони ташкил қилади. Франция чемпионатининг янги мавсумида Дембеле учта ўйин ўтказди. Усмон битта гол ва иккита голли узатмани амалга оширди.
