Криштиану Роналду тарихда ижтимоий тармоқларда 1 миллиард обуначига эришган биринчи шахс бўлди. Юлдузли футболчи бу борада баёнот берди.
"Биз тарих яратдик - 1 миллиард обуначи! Бу шунчаки рақам эмас - бу бизнинг умумий иштиёқимиз, қатъиятимиз, ўйинга бўлган муҳаббатимиз ва бошқалардан далолат беради. Мадейра кўчаларидан тортиб, дунёдаги энг катта стадионларгача мен доимо оилам ва сизлар учун ўйнаганман. Энди биз миллиардмиз!
Сиз мен билан ҳар қадамда, барча паст-баландликда бирга бўлдингиз. Бу бизнинг саёҳатимиз ва биргаликда эришиш мумкин бўлган нарсаларнинг чегараси йўқлигини кўрсатдик. Ишончингиз, қўллаб-қувватлаганингиз ва ҳаётимнинг бир қисмига айланганингиз учун ташаккур. Энг яхшиси ҳали олдинда – биз биргаликда курашишда, ғалаба қозонишда ва тарих яратишда давом этамиз", — деб ёзди Роналду ижтимоий тармоқларда.
Криштиану Роналду "Ан-Наср"да ўйнайди. 39 ёшли ҳужумчининг Саудия клуби билан амалдаги шартномаси 2025 йил ўрталаригача амал қилади.
