"Рома" ҳужумчиси Пауло Дибала "Атлетико Мадрид"нинг радарида қолмоқда. Todofichajes порталининг хабар беришича, аргентиналик футболчи кейинги ёзда Мадрид клубининг нишонига айланади.

Дибалага Саудия Арабистонининг "Ал-Қодисия" клуби ҳам қизиқиш билдирмоқда, аммо аргентиналик футболчи пул қувиб эмас, совринлар учун курашишга қодир жамоада бўлишни афзал кўрмоқда.

Ўтган ёзда "Атлетико" Дибалани қўлга киритиш имкониятини кўриб чиқди, аммо футболчининг маоши юқори бўлгани учун келишув амалга ошмади.

Қайд этилишича, Пауло Дибала "Атлетико"нинг ҳужум чизиғида Антуан Гризманнинг ўрнини эгаллаши мумкин. Франциялик футболчи келаси ёзда МЛСга кетиши мумкин.