"Челси" бош мураббийи Энцо Мареска жамоага янги келган Жейдон Санчо муаммо туғдиришига ишонмаяпти.
Тахминан бир йил муқаддам инглиз футболчиси “қизил иблислар” бош мураббийи Эрик тен Хаг билан можаро туфайли “Манчестер Юнайтед”дан четлатилган эди. Қанот футболчиси январгача ўйнамади, шундан сўнг Дортмунднинг "Боруссия"сига ижара асосида ўтди.
"Жейдон Санчони майдон ташқарисида хавфли деб ҳисобламайман. Мен унга тен Хаг билан нима бўлганини билмайман. Футболчини фақат биз билан ўтказган ҳафталарига қараб баҳолай оламан. Жейдон зўр эди", - дейди "кўклар"нинг италиялик бошқарувчиси.
