"Манчестер Сити" "РБ Лейпциг" ярим ҳимоячиси Хави Симонсни сотиб олиш имкониятини кўриб чиқмоқда.
Нидерландиялик футболчи ўтган мавсумда бўлгани каби "буқалар" сафида "ПСЖ"дан ижара асосида ўйнамоқда. Журналист Кристиан Фалькнинг сўзларига кўра, "шаҳарликлар" Симонсни келаси ёзда сотиб олишдан манфаатдор - инглиз гранди ёш футболчини Кевин де Брюйненинг потенциал давомчиси сифатида кўрмоқда. 21 ёшли ҳужумкор ярим ҳимоячига “Ливерпуль” ҳам давогарлар қаторида.
Transfermarkt маълумотларига кўра, Хави Симонснинг нархи 80 миллион еврони ташкил қилади. Футболчининг "ПСЖ" билан шартномаси 2027 йилнинг ўрталарига қадар амал қилади.
