Италия чемпионатининг 4-тури доирасида «Милан» ўз майдонида «Венеция»ни қабул қилиб, ярим соат ичида ўйин тақдирини ҳал қилиб қўйди.

Баҳснинг 2-дақиқасидаёқ Тео Эрнандес ҳисобни очган бўлса, 16-дақиқада Фофана фарқни оширди. Учрашувнинг 25 ва 29-дақиқаларида белгиланган пенальтиларни Пулишич ва Абрахам аниқ амалга ошириб, ҳисобни йирик кўринишга келтириб қўйишди.

Учрашувнинг қолган дақиқаларида мухлислар гол кўришмади. Шу тариқа, "Милан" мавсумдаги илк ғалабасини қўлга киритди ва ўз очколарини 5 тага етказиб, жадвалда вақтинча бўлса-да 8-ўринга кўтарилиб олди.

Милан – Венеция 4:0 (4:0, 0:0)
Голлар: 1:0 – 2 Тео, 2:0 – 16 Фофана, 3:0 – 25, пенальти Пулишич, 4:0 – 29, пенальти Абрахам.
Милан – Меньян, Тео, Павлович, Габбия, Эмерсон, Лофтус-Чик, Фофана (Дзероли, 79), Рейндерс (Окафор, 63), Пулишич (Чуквуэзе, 79), Рафаэл Леау (Мората, 64), Абрахам (Муса, 74).
Венеция – Йоронен, Дзампано (Карбони, 89), Кандела, Идзес, Свобода, Шингтиенне, Бузио (Андерсен, 79), Николусси-Кавилья, Данкан (Думбия, 64), Ористанио (Йебоа, 64), Похьянпало (Раймондо, 79).
Огоҳлантиришлар: Шингтиенне (28), Габбия (38), Николусси-Кавилья (67).
Четлатиш: Николусси-Кавилья (73).