Андони Ираола "Борнмут"нинг "Челси"га қарши ўйинидан (0:1) мамнун.

"Мен натижадан жуда хафаман. Бироқ ўз ўйинимиздан жуда фахрланаман, биз улардан кўра кўпроқ имкониятларга эга бўлдик.

Улар тўпга кўпроқ эгалик қилишди, аммо бу хавфли эмас эди. Уларнинг дарвозабони жуда яхши ўйнади.

Имкониятларингизни голга айлантирмасангиз ва бундай рақибга пенальти имкониятини бериб қўйсангиз, у сизни жазолашини ҳис қиласиз.

Охир-оқибат шундай бўлди. Биз футболчиларимиздан кўпроқ нарсани талаб қила олмадик. Биз худди шундай руҳда давом этишимиз ва имкониятларимиздан яхшироқ фойдаланишга ҳаракат қилишимиз керак.

Бу футбол. Биз ўз уйимизда “Ньюкасл” ва “Челси”га қарши ўйнадик, иккита жуда яхши ўйин кўрсатдик, бироқ бор йўғи бир очко олдик.

Биз жуда яхши ўйнадик, кўпроқ вазиятлар яратдик, уларга босим ўтказдик, аммо уларни жазолашимиз керак эди, биз буни қилмадик", - деди “Борнмут” бош мураббийи.