ОКМК – "Сурхон" (1:0) учрашувидан кейин, термизликлар устози Февзи Давлетов матбоут анжуманида қатнашди ва ОАВ вакилларининг саволларига жавоб берди.
"Қандай изоҳласам бўлади бу ўйинни… 16-дақиқада, жамоамизда четлатиш бўлди. Лекин, айтишим жоиз 1-таймни жуда яхши ўтказдик. Гол уришимиз керак эди. Негаки, кўп хавфли вазиятларни яратдик. Афсус, вазиятлардан фойдалана олмадик
Иккинчи бўлимда, ҳимояда кўпроқ ўйнадик. Табийки, камчилик бўлиб ўйнаганимизда футболчиларда чарчоқ сезилди. Ўзгаришларни қилдик, аммо ўтказиб юборилган голда таянч зонасида хатога йўл қўйдик. Ўйиндан кейин қилган меҳнати учун футболчиларга миннадорчилик билдирдим. Четлатишдан кейин, улар таслим бўлишмади. Ўйлайманки, бугун дуранг адолатлироқ бўларди" - деди Давлетов.
