“Ал-Қодисия” клуби марказий ҳимоячиси Начо Фернандес “Реал”ни тарк этиб, тўғри иш қилганига ишонмоқда.

"Лос-Бланкос" раҳбарияти бутун фаолияти давомида клубда тўп сурган сардор билан шартномани узайтиришга тайёр эди, аммо у кетишга қарор қилди. Испаниялик футболчи ўз интервьюсида кетиши сабабларини ҳам айтиб ўтди.

"Реал"дан кетишим ҳақида [мавсум тугашидан бир неча ой олдин] билардим, клуб ҳам бу ҳақда биларди. Бу ерга ["Ал-Қодисия"га] келганимга бир ой бўлди ва мен ҳали ҳам бу тўғри қарор деб ўйлайман.

Мен ҳаётимда боримни клубга берганман, бу эса менга хотиржамлик бахш этади. Яна бир йил қолишим мумкинмиди? Балки, лекин "Реал" билан хайрлашганим мен билан содир бўлган энг яхши воқеа", - дея Начонинг сўзларини келтиради Relevo.