Ярим ҳимоячи Адриен Рабьо “Марсель” билан шартнома имзолаш учун Францияга учиб кетди.
Сешанба оқшомида клуб "Ювентус"нинг собиқ футболчиси билан тиббий кўрикдан ўтганидан сўнг кучга кирадиган келишувни эълон қилди.
"Бу ерда жуда кўп мухлисларни кўришни кутмагандим. Аввалига ўтиш даргумондек туюлди, лекин мен лойиҳани Меҳди Бенатия билан кўп муҳокама қилдим, мен рози бўлгунимча Роберто де Зерби билан ҳам музокаралар бўлган. Мақсадимиз чемпионлар лигасига қайтиш учун ғалаба қозониш. Мен биринчи машғулотимни ўтказишни ва "Велодром"да интизорлик билан кутяпман", деди 29 ёшли француз.
