«Рома» хўжайини Дэн Фридкин «Эвертон»ни сотиб олиш режасини қайта кўриб чиқишни бошлади.
Июнь ойи бошида америкалик миллиардер мерсисайдликларни сотиб олмоқчи бўлган, аммо якунда келишувга эришилмаганди. Шундан сўнг америкалик инвестор Жон Текстор клубни сотиб олиш учун асосий фаворитга айланди. У аллақачон бир нечта ҳомийларнинг қўллаб-қувватлашини олган, бироқ биринчи навбатда у Премьер-лиганинг бошқа клуби «Кристал Пэлас»даги улушини сотиши керак бўлади.
«Эвертон»нинг янги хўжайини асосан янги стадион қурилиши туфайли йиғилиб қолган юзлаб миллион фунт стерлинг қарзини тўлашга мажбур бўлади. Фридкиннинг компанияси "Friedkin Group" клуб кредиторларидан бири ҳисобланади.
