"Манчестер Сити" ярим ҳимоячиси Родри Эрнандес клуб билан шартномасини узайтириши мумкинлиги ҳақида гапирди.
"Айтадиган гапим йўқ. "Манчестер Сити" билан яна 3 йиллик шартномам бор. Шартномам бор пайтда бошқа жамоалар ҳақида ўйламайман", - деди Родри City Xtra билан суҳбатда.
Эслатиб ўтамиз, испаниялик ярим ҳимоячи 2019 йилнинг ёзидан буён "Манчестер Сити"да ўйнаб келмоқда. Бу вақт ичида у барча турнирларда 258 та ўйин ўтказиб, 26 та гол урди ва 30 та голли узатмани амалга оширди. Родрининг "шаҳарликлар" билан амалдаги шартномаси 2027 йилнинг июнига қадар тузилган.
