Ўзбекистон футзал терма жамоаси бош мураббийи Хосе Венансио Лопес Парагвайга қарши учрашувдан (1:4) кейин ўз фикрларини билдирди.
«Фақат 15 дақиқа яхши ўйнадик, аммо рақибнинг биринчи голидан кейин ўйин назоратини қўлдан чиқардик. Бундай баҳсларда ўйин назорати қўлдан чиқарилса, баҳсга қайтиш жуда қийин бўлади. Айнан шу сабабли бугунги учрашувда мағлубиятга учрадик.
Коста-Рика билан ўйин? Бу баҳсда бизни фақат ғалаба қониқтиради. Гарчи дуранг натижа ҳам бизни назарий жиҳатдан кейинги босқичга олиб чиқиши мумкин бўлсада, аммо бу ҳақда ўйламай, фақат ғалаба ҳақида ўйлашимиз лозим. Бу биз учун финалга тенг ўйин бўлади»
