"Бавария" ярим ҳимоячиси Леон Горецка жамоадаги ҳозирги ҳолатидан норози ва қишки трансфер ойнасида клубини ўзгартирмоқчи.
The Sun нашри хабарига кўра, ярим ҳимоячи хизматига Англия Премьер-лигасининг икки клуби қизиқиш билдирмоқда. Гап қишда футболчи учун курашишга тайёр бўлган Лондоннинг "Вест Хэм" ва "Манчестер Юнайтед" клублари ҳақида кетмоқда.
Эслатиб ўтамиз, Горецка "Бавария" бош мураббийи Венсан Компани режаларига киритилмаган. Раҳбарият ёзда футболчига кетиб, бошқа клубда мунтазам ўйин амалиётига эга бўлгани маъқул эканини тушунтирган. Бироқ, Горецка кетишдан бош тортди, энди эса бундан афсусда.
