Мартин Эдегор жароҳати туфайли номалум муддатга сафдан чиқди.
“Арсенал”нинг норвегиялик ярим ҳимоячиси сентябрь ойи бошида Миллатлар лигаси доирасида Австрияга қарши ўйинда жароҳат олган эди.
Футболчи “Тоттенхэм”га қарши (1:0) дербини ўтказиб юборишга мажбур бўлди.
"Канонирлар" бош мураббийи Микель Артетанинг айтишича, Эдегор бир муддат майдонга туша олмайди.
Футболчи катта эҳтимол билан якшанба куни "Манчестер Сити"га қарши ўйинда майдонга тушмайди.
"Охирги текширувлар унинг пайлари шикастланганини кўрсатди. Бу жуда жиддий жароҳат, шунинг учун биз уни бир муддат йўқотамиз", деди Артета.
