Martin Edegor jarohati tufayli nomalum muddatga safdan chiqdi.
“Arsenal”ning norvegiyalik yarim himoyachisi sentyabr oyi boshida Millatlar ligasi doirasida Avstriyaga qarshi o‘yinda jarohat olgan edi.
Futbolchi “Tottenxem”ga qarshi (1:0) derbini o‘tkazib yuborishga majbur bo‘ldi.
"Kanonirlar" bosh murabbiyi Mikel Artetaning aytishicha, Edegor bir muddat maydonga tusha olmaydi.
Futbolchi katta ehtimol bilan yakshanba kuni "Manchester Siti"ga qarshi o‘yinda maydonga tushmaydi.
"Oxirgi tekshiruvlar uning paylari shikastlanganini ko‘rsatdi. Bu juda jiddiy jarohat, shuning uchun biz uni bir muddat yo‘qotamiz", dedi Arteta.
