Мадриднинг “Реал” клуби ярим ҳимоячиси Орельен Тчуамени сўнгги ўйинда оёғидаги ноқулайлик билан ўйнашга мажбур бўлди. Эслатиб ўтамиз, сешанба куни “қироллик клуби” Чемпионлар лигаси доирасида ўз майдонида “Штутгарт”ни 3:1 ҳисобида мағлуб этганди.

Relevo хабар беришича, Тчуамени ўйинга 100 фоиз тайёр эмас эди. Франциялик футболчи ўйин давомида тўпиғидаги оғриқни ҳис қилиб юрди.

Тчуамени "Реал Мадрид"нинг Испания чемпионати доирасида "Эспаньол"га қарши бўладиган навбатдаги ўйинида иштирок эта оладими ёки йўқми ҳозирча маълум эмас. Бош мураббий Карло Анчелотти навбатдаги матбуот анжуманида франциялик футболчининг ҳолати билан боғлиқ вазиятга ойдинлик киритиши керак.