Madridning “Real” klubi yarim himoyachisi Orelyen Tchuameni so‘nggi o‘yinda oyog‘idagi noqulaylik bilan o‘ynashga majbur bo‘ldi. Eslatib o‘tamiz, seshanba kuni “qirollik klubi” Chempionlar ligasi doirasida o‘z maydonida “Shtutgart”ni 3:1 hisobida mag‘lub etgandi.

Relevo xabar berishicha, Tchuameni o‘yinga 100 foiz tayyor emas edi. Fransiyalik futbolchi o‘yin davomida to‘pig‘idagi og‘riqni his qilib yurdi.

Tchuameni "Real Madrid"ning Ispaniya chempionati doirasida "Espanyol"ga qarshi bo‘ladigan navbatdagi o‘yinida ishtirok eta oladimi yoki yo‘qmi hozircha ma’lum emas. Bosh murabbiy Karlo Anchelotti navbatdagi matbuot anjumanida fransiyalik futbolchining holati bilan bog‘liq vaziyatga oydinlik kiritishi kerak.