Мадриднинг “Атлетико” клуби ярим ҳимоячиси Конор Галлахер Лондоннинг “Челси” клубини тарк этиши ҳақида фикр билдирди. "Матрасчилар" англиялик футболчини тахминан 40 миллион евро эвазига сотиб олишди.
"Челси" ҳақидаги хотираларимга назар ташласам, мен жуда фахрланаман. Аммо олдинга ўтиш вақти келди ва "Атлетико Мадрид" фаолиятимдаги кейинги бобни бошлаш учун энг зўр клубдир. Мен бу ерда эканлигимдан жуда бахтиёрман", деди Галлахер.
Галлахер яқинда Испания чемпионати доирасида "Атлетико Мадрид" учун биринчи голини урди. Конор аллақачон "матрасчилар"нинг асосий ярим ҳимоячисига айланди.
