"Бурирам Юнайтед" ва унинг бош мураббийи Аттпол Буспаком янги шартнома борасида келиша олишмади ва бугундан бошлаб ушбу мутахассис клуб билан хайрлашадиган бўлди.
"Бугун биз учун тарихий кун. "Бурирам Юнайтед" Чемпионлар лигасининг нимчорак финалига чиқди. Биз мухлисларни ҳурмат қиламиз, биз биргаликда катта кучмиз", дейди "Бурирам" клуби президенти Невин Чидчоб.
"Мен ва мураббий ўртасида музокара бўлиб ўтди ва шартноманинг айрим бандлари бўйича келишувга эриша олмадик. Бугундан бошлаб "Бурирам Юнайтед" ва мураббий бошқа-бошқа йўлдан кетадиган бўлишди. Бундан мухлислар хавотирга тушмасалар ҳам бўлади. "Бурирам" яхши инфратузилмага эга бўлган профессионал клуб. Биз янада кўпроқ муваффақиятларга эришишга ҳаракат қиламиз", жамоа президенти.
Эслатиб ўтамиз, "Бурирам Юнайтед" ва "Бунёдкор" жамоалари ўртасидаги ОЧЛ 1/8 финалининг дастлабки баҳси 14 май куни Таиландда, жавоб баҳси 21 май куни Тошкентда бўлиб ўтади.
