Суперлигада 19-тур старт олди. "Нефтчи" клуб бу тур ўз майдонида "Қизилқум"ни қабул қилди ва 2:2 ҳисобида дуранг ўйнади. Беллашувдан сўнг жамоа бош мураббийи Виталий Левченко матбуот анжуманида иштирок этди.

Яхши, жанговор ўйин кўрдик. Икки томон ҳам ғалаба учун ҳаракат қилди, аммо ғалабани қўлдан чиқарганимиз аламли бўлди. Бу футбол. Ким кам хато қилса, ўша жамоа енгади. Афсуски, бугун биз хато қилдик ва дуранг ўйнадик.

Дарвозабоннинг алмашиши нима билан боғлиқ?

У ўйин пайтида оғриқ сезганини айтди. Шу боис, алмаштиришга қарор қилдик.

Азиз Амоновнинг захирада қолиб кетаётанининг сабаби нима?

Унинг формаси биз ҳужумчилардан талаб қиладиган нарсаларни бажаришга имкон бермаяпти. Бугун оддий кўз билан қараганда ҳам бу омил яққол кўзга ташланмоқда. Марказий ҳужумчи кескинлик яратиш учун дарвозага яқин жойда бўлиши керак, ортга қайтиб ҳужум бошлаши эмас.

"Нефтчи"нинг совринли ўринлар учун курашишга имкон борми?

Албатта, ҳали чемпионат тугагани йўқ. Биз ҳар бир ўйинда жанг қиляпмиз. Биз атайин дуранг ўйнаётганимиз йўқ. Ҳимоядаги хатоларимиз сабабли истаганимиздек ғалаба қозона олмаяпмиз.

Рақиб жамоа ҳақида фикрингиз?

Яхши жамоа. Натижа учун курашмоқда. Рақиб бугун мағлуб бўлмаслик учун ҳамма нарсани қилди.