Superligada 19-tur start oldi. "Neftchi" klub bu tur o‘z maydonida "Qizilqum"ni qabul qildi va 2:2 hisobida durang o‘ynadi. Bellashuvdan so‘ng jamoa bosh murabbiyi Vitaliy Levchenko matbuot anjumanida ishtirok etdi.

Yaxshi, jangovor o‘yin ko‘rdik. Ikki tomon ham g‘alaba uchun harakat qildi, ammo g‘alabani qo‘ldan chiqarganimiz alamli bo‘ldi. Bu futbol. Kim kam xato qilsa, o‘sha jamoa yengadi. Afsuski, bugun biz xato qildik va durang o‘ynadik.

Darvozabonning almashishi nima bilan bog‘liq?

U o‘yin paytida og‘riq sezganini aytdi. Shu bois, almashtirishga qaror qildik.

Aziz Amonovning zaxirada qolib ketayotanining sababi nima?

Uning formasi biz hujumchilardan talab qiladigan narsalarni bajarishga imkon bermayapti. Bugun oddiy ko‘z bilan qaraganda ham bu omil yaqqol ko‘zga tashlanmoqda. Markaziy hujumchi keskinlik yaratish uchun darvozaga yaqin joyda bo‘lishi kerak, ortga qaytib hujum boshlashi emas.

"Neftchi"ning sovrinli o‘rinlar uchun kurashishga imkon bormi?

Albatta, hali chempionat tugagani yo‘q. Biz har bir o‘yinda jang qilyapmiz. Biz atayin durang o‘ynayotganimiz yo‘q. Himoyadagi xatolarimiz sababli istaganimizdek g‘alaba qozona olmayapmiz.

Raqib jamoa haqida fikringiz?

Yaxshi jamoa. Natija uchun kurashmoqda. Raqib bugun mag‘lub bo‘lmaslik uchun hamma narsani qildi.