"Барселона"нинг собиқ спорт директори Йорди Кройфф Ламин Ямал асосий жамоадаги фаолиятини қандай бошлаганини эслади.
"Ямалнинг асосий жамоа билан биринчи машғулотини эслайман. Бу атиги беш дақиқа давом этди ва Хави (ўша пайтдаги бош мураббий) бизга: "Бу йигит ўзгача", деди. У Ламинни дебютидан анча олдин майдонга туширмоқчи эди, бироқ у ҳали профессионал шартномага эга эмасди.
Жамоа фахрийлари Ямалнинг тўп билан қандай ишлаганини кўрганларида, тик туриб, кўзларини катта очиб томоша қилишди", - деди афсонавий Йохан Кройффнинг ўғли.
