"Реал" ярим ҳимоячиси Эдуардо Камавинга тез орада майдонга қайтиши керак.
Франциялик футболчи 14 август куни УЕФА Суперкубоги доирасида бўлиб ўтган “Аталанта”га қарши мавсумдаги илк расмий ўйин олдидан жароҳат олган эди. Ўшандан бери ярим ҳимоячи жароҳатидан даволанишда давом этди, аммо унинг қайтишига яқин қолди. Marca нашрининг янгиланган маълумотларига кўра, 21 ёшли футболчи "Атлетико Мадрид" билан 29 сентябрга белгиланган учрашувда қатнаша олишини кутмоқда.
"Матрасчилар" билан ўйин олдидан Карло Анчелотти шогирдлари "Эспаньол" (21 сентябрь) ва "Алавес" (24 сентябрь)га қарши ўйнашлари керак.
