Бундан роппа-роса 15 йил муқаддам, 2009 йилнинг 20 сентябрь куни Карим Бензема «Реал» сафидаги илк голини урган эди. Бу Испания чемпионатининг 3-тури доирасидаги ўйинда рўй берди, ўшанда «Лос-Бланкос» ўз майдонида «Херес»ни 5:0 ҳисобида мағлуб этганди.
Ўшанда Бензема жарима майдончаси ташқарисидан чап оёқдан кучли зарба йўллаганди. Французнинг голи ҳисобни 3:0 дан 4:0 га ўзгартирди.
Эслатиб ўтамиз, 2009 йилнинг ёзида Карим Бензема «Лион»дан «Реал»га ўтганди. Франциялик футболчи Мадрид клубида 14 мавсум ўтказди, шундан сўнг Саудия Арабистонининг «Ал-Иттиҳод» клубига йўл олди.
