Венгрияда давом этаётган Бутунжаҳон шахмат олимпиадасида бугун 10-тур баҳслари бўлиб ўтади.
Ўзбекистон эркаклар терма жамоаси Ҳиндистон билан дуранг ўйнагач, жадвалда 3-ўринга тушди. Венгрияни мағлуб этган АҚШ терма жамоаси ўз очколарини 15 тага етказди ҳамда қўшимча кўрсаткич бўйича биздан олдинга ўтиб олди.
Йигитларимиз бугун Хитойга қарши дона суради. Биринчи рақамли шахматчимиз Нодирбек Абдусатторов оқ доналарда ҳаракат қилади.
Хитой ҳисобида ҳам 15 очко бор ва бу жамоа 9-турдан сўнг 4-поғонани эгаллаб турибди.
Шунингдек, бугун Ҳиндистон ва АҚШ терма жамоалари ўзаро баҳс олиб боришади.
Ўзбекистон аёллар терма жамоаси эса Англияга қарши дона суради. Бу жамоа жадвалда 16-поғонани банд этиб турибди.
