"Ювентус" бош мураббийи Тьяго Мотта Душан Влаховичнинг ўйини ҳақида гапирди.
Сербия терма жамоаси ҳужумчиси жорий мавсумда деярли алмаштирилмасдан ўйнамоқда. Шу билан бирга, Влахович фақат "Верона"га қарши ўйинда гол уришга муваффақ бўлди.
"Душан ўзини жуда яхши ҳис қилмоқда. Биз ҳар куни гаплашамиз. У табассум қилади ва яхши муносабатда бўлади.
У охирги ўйинда ажойиб ўйнади. У ҳужумда фаол, ҳимояда яхши ҳаракат қилди. Мен унинг қилаётган ишларидан мамнунман ва у худди шу руҳда давом этиши керак", - дея Моттанинг сўзларини келтиради Football Italia.
