"Арсенал" ҳимоячиси Риккардо Калафьори сафга қайтганидан сўнг фикрларини билдириб ўтди.
Куни кеча италиялик футболчи Чемпионлар лигасининг 1-тури доирасидаги “Аталанта”га қарши ўйинда 17 дақиқага майдонга тушди.
"Арсенал"га қўшилишдан олдин ҳам бу жуда катта қийинчилик эканини билардим. Мен ўз фазилатларим ва маҳоратим билан жамоага ёрдам беришдан хурсандман.
Мен кўпроқ кучимни беришим кераклигини биламан, бу аниқ. Рақобат яхши, чунки у машғулотларда ҳам, ўйинларда ҳам ҳаммани олдинга чорлайди. Мен аллақачон кўникдим, жамоа мени ҳайратланарли даражада қўллаб-қувватлади. Энди ўйнаш вақти келди", - дея Калафьорининг сўзларини келтирмоқда Goal.
