"Манчестер Сити" бош мураббийи Пеп Гвардиола ўзининг ёндашуви ҳақидаги саволга жавоб берди.
Якшанба куни "шаҳарликлар" Лондоннинг "Арсенал" жамоасини қабул қилади.
"Биз жуда прагматикмиз, натижаларга қаранг. Рақамлар бўйича биз дунёдаги энг зўримиз. Мен прагматистман ва бу борада мендан яхшироқ мураббий йўқ.
Биз ишларни шу тарзда қилиш орқали тез-тез ғалаба қозонамиз. Прагматик ўйин нима? Рақиб нолдан 95-дақиқага қадар ўз жарима майдончасида ҳимояланиши керак.
Нега мен буни хоҳлайман? Чунки бу вақтда тўп дарвозабонимиздан узоқда бўлади. Тўп дарвозамизга яқинлашганда, мен қалтирай бошлайман", - деди Гвардиола.
