Реализация билан боғлиқ муаммолар яна бир бор "Манчестер Юнайтед"га очко тўплашда қимматга тушди.

“Қизил иблислар” шанба кунги “Кристал Пэлас”га қарши ўйиннинг биринчи бўлимида бешта йирик имкониятни бой беришди.

Танаффусдан сўнг “бургутлар” гол уришга яқинроқ бўлишди, аммо улар ҳам вазиятларидан унумли фойдалана олишмади – 0:0.

Айни дамда айнан “Манчестер Юнайтед” энг кўп аниқ имкониятларга эга бўлган ва уларни йўққа чиқарган жамоалар рейтингида пешқадамлик қилмоқда - бешта учрашувда 17 та катта вазият.

Рўйхатда иккинчи ўринни "Ливерпуль" ва "Астон Вилла" (ҳар бири 12 та), учинчи ўринни "Тоттенхэм" ва "Саутгемптон" (ҳар бири 11 та) эгаллаган.