Realizasiya bilan bog‘liq muammolar yana bir bor "Manchester Yunayted"ga ochko to‘plashda qimmatga tushdi.
“Qizil iblislar” shanba kungi “Kristal Pelas”ga qarshi o‘yinning birinchi bo‘limida beshta yirik imkoniyatni boy berishdi.
Tanaffusdan so‘ng “burgutlar” gol urishga yaqinroq bo‘lishdi, ammo ular ham vaziyatlaridan unumli foydalana olishmadi – 0:0.
Ayni damda aynan “Manchester Yunayted” eng ko‘p aniq imkoniyatlarga ega bo‘lgan va ularni yo‘qqa chiqargan jamoalar reytingida peshqadamlik qilmoqda - beshta uchrashuvda 17 ta katta vaziyat.
Ro‘yxatda ikkinchi o‘rinni "Liverpul" va "Aston Villa" (har biri 12 ta), uchinchi o‘rinni "Tottenxem" va "Sautgempton" (har biri 11 ta) egallagan.
