"Бавария" футболчилари жамоа бош мураббийи Венсан Компани ишининг айрим жиҳатларидан норози. Бу ҳақда Goal.com портали хабар бермоқда.

Бельгиялик мутахассис бўлажак ўйин учун асосий таркибни старт ҳуштагидан бир кун аввал футболчиларга SMS жўнатиб эълон қилишидан футболчилар мамнун эмас. Бундан ташқари, жамоа Компанининг ротацияга бўлган ёндашувини тушунмайди.

Бельгиялик мураббий ўтган ёзда мюнхенликлар бош мураббийи лавозимини эгаллаганди. Германия чемпионатининг тўрт турида "Бавария" тўртта ғалабага эришди ва турнир жадвалида пешқадамлик қилмоқда.