"Bavariya" futbolchilari jamoa bosh murabbiyi Vensan Kompani ishining ayrim jihatlaridan norozi. Bu haqda Goal.com portali xabar bermoqda.
Belgiyalik mutaxassis bo‘lajak o‘yin uchun asosiy tarkibni start hushtagidan bir kun avval futbolchilarga SMS jo‘natib e’lon qilishidan futbolchilar mamnun emas. Bundan tashqari, jamoa Kompanining rotasiyaga bo‘lgan yondashuvini tushunmaydi.
Belgiyalik murabbiy o‘tgan yozda myunxenliklar bosh murabbiyi lavozimini egallagandi. Germaniya chempionatining to‘rt turida "Bavariya" to‘rtta g‘alabaga erishdi va turnir jadvalida peshqadamlik qilmoqda.
