Мадриднинг "Реал" клуби ярим ҳимоячиси Жуд Беллингем "Алавес"га қарши навбатдаги ўйинда иштирок этмоқчи. Marca хабарига кўра, "Қироллик клуби"нинг Карло Анчелотти бошчилигидаги мураббийлар штаби англиялик футболчига дам беришни истамоқда. Беллингемнинг ўзи дам олишни истамайди, чунки у имкон қадар тезроқ формага кириш ниятида.

Эътибор беринг, мураббийлар штаби англияликнинг елкасидаги муаммолар туфайли эҳтиёт чораси сифатида Беллингемни аямоқчи. Жуд оптимал формага кириши учун майдонга тез-тез тушиши кераклигига ишонади.

Беллингем бу мавсумда Ла Лигада бор йўғи иккита ўйинда майдонга тушди ва бирорта самарали ҳаракат қилмади.