АҚШ терма жамоасининг собиқ футболчиси Тим Ховард жамоанинг янги бош мураббийи Маурисио Почеттинони тики-така қурбони бўлмасликка чақирди. Ховарднинг сўзларига кўра, Пеп Гвардиоланинг ўйин услуби ҳаммага ҳам насиб этавермайди.
"Пеп Гвардиола футболни барбод қилди. У ҳаммани устун футбол ўйнаши мумкин деб ўйлашга мажбур қилди. Лекин бу ҳақиқат эмас. Бутун дунёда буни жуда яхши уддалай оладиган фақат учта жамоа бор", деди Ховард.
Бир неча ҳафта олдин Маурисио Почеттино АҚШ терма жамоасини қабул қилиб олганди. Аргентиналик мураббий жамоани 2026 йилда бўлиб ўтадиган жаҳон чемпионатига тайёрлайди.
