"Барселона" бош мураббийи Ханс-Дитер Флик жамоа вингери Ламин Ямал бўлажак ўйинда дам оладими, деган саволга жавоб берди.
"Ламинга ҳеч қандай дам олиш керак эмас. Шуни таъкидлаш керакки, биз ўз уйимизда ўйнаяпмиз, шунинг учун ўйинни ажойиб асосий таркиб билан бошлашимиз керак", - деб Флик сўзларини келтирмоқда Barca Universal.
Жорий мавсумда 17 ёшли Ямал барча мусобақаларда еттита ўйинда майдонга тушиб, тўртта гол урди ва бешта голли узатмани амалга оширди. Эртага, 25 сентябрь куни "Барселона" Испания чемпионатининг 7-тури доирасида "Хетафе"ни қабул қилади.
