"Barselona" bosh murabbiyi Xans-Diter Flik jamoa vingeri Lamin Yamal bo‘lajak o‘yinda dam oladimi, degan savolga javob berdi.
"Laminga hech qanday dam olish kerak emas. Shuni ta’kidlash kerakki, biz o‘z uyimizda o‘ynayapmiz, shuning uchun o‘yinni ajoyib asosiy tarkib bilan boshlashimiz kerak", - deb Flik so‘zlarini keltirmoqda Barca Universal.
Joriy mavsumda 17 yoshli Yamal barcha musobaqalarda yettita o‘yinda maydonga tushib, to‘rtta gol urdi va beshta golli uzatmani amalga oshirdi. Ertaga, 25 sentyabr kuni "Barselona" Ispaniya chempionatining 7-turi doirasida "Xetafe"ni qabul qiladi.
