"Арсенал" бош мураббийи Микель Артета ёзги трансфер ойнасида жамоага ўтган вингер Рахим Стерлингнинг келажагига баҳо берди.
"Стерлинг яхши ҳаракат қилмоқда. У аллақачон бир нечта ўйинларда бир неча дақиқа ўйнаган. Чоршанба куни у яна бир имкониятга эга бўлади. Стерлинг кўпроқ ўйин вақтини олиш ва жамоага қўлидан келганича таъсир ўтказишни хоҳлайди", деди Артета сешанба кунги матбуот анжуманида.
25 сентябрь, чоршанба куни “Арсенал” Англия лига кубоги 3-босқичи доирасида “Болтон”га қарши ўз уйида майдонга тушади.
