«Барселона» ўтган ёзда вингер Нико Уильямсни сотиб олишга уриниб кўрди. Бироқ келишув амалга ошмади - 22 ёшли футболчи «Атлетик»да қолди. Испаниянинг "Sport" нашри ўз саҳифаларида ёзганидек, Уильямс «Барселона»нинг трансфер мақсади бўлиб қолмоқда. Каталония клуби Испания терма жамоаси футболчисининг трансферини келаси ёзда амалга оширишни режалаштирмоқда.
"Transfermarkt" портали экспертлари Нико Уильямсни 70 миллион еврога баҳоламоқда. Футболчининг «Атлетик» билан амалдаги шартномаси 2027 йилнинг ўрталарига қадар тузилган.
Эслатиб ўтамиз, 2024/2025 йилги мавсумнинг олтита ўйинида Нико Уильямс битта гол урган.
