"Комо" ҳимоячиси Рафаэль Варан фаолиятини якунлаши мумкин, дея хабар беради Le Parisien.
31 ёшли француз 2024 йилнинг июлида эркин агент сифатида Италия жамоасига келиб қўшилган ва Италия кубоги доирасидаги “Сампдория”га қарши дебют ўйинида тиззасидан жароҳат олганди.
Жароҳат туфайли футболчи узоқ вақт майдонга туша олмайди, шу сабабдан "Комо" уни А Сериядаги иштирокчилардан четлатди, энди Варан клуб билан шартномасини бекор қилиш ва футболдан кетиш ҳақида ўйламоқда.
Варан "Комо"дан ташқари “Ланс”, “Реал” ва “Манчестер Юнайтед” клубларида тўп тепган. Футболчи уч карра Испания чемпиони, 4 карра Чемпионлар лигаси ғолиби, Англия кубоги ва Англия лига кубоги ғолибидир.
