"Манчестер Сити" бош мураббийи Пеп Гвардиола жамоа ярим ҳимоячиси Родрининг жароҳати ҳақидаги саволга жавоб берди.
Ярим ҳимоячи 22 сентябрь куни АПЛнинг 5-туридан ўрин олган "Арсенал"га қарши ўйинда (2:2) жароҳат олганди.
"Родри узоқ вақтга сафдан чиқдими? Ҳа. Унга айнан нима бўлганини билиш учун шифокорлар ҳукмини кутамиз. Буни билсак, клуб ва мен буни эълон қиламиз", - дея Гвардиоланинг сўзларини келтиради BBC.
Родри "Манчестер Сити"да 2019 йилнинг июлидан буён ўйнаб келмоқда. 2023/24 йилги мавсум якунида ярим ҳимоячи “Олтин тўп” совринига даъвогар 30 та номзоддан бирига айланди.
