"Барселона" дарвозабон Войцех Шесни билан шартнома имзоламоқчи, аммо битта муаммо бор.
Август ойи охирида поляк “Ювентус” билан шартномасини бекор қилди ва футболчилик фаолиятини якунлади. Бир ойдан камроқ вақт ўтди, аммо 34 ёшли футболчи қайтиши мумкин. "Барселона" уни жароҳат олган Марк-Андре тер Штегеннинг ўрнини босиш учун устувор вариант сифатида белгилади.
Журналист Тони Хуанмарти хабар беришича, шартнома бекор қилинганига қарамай, Шеснининг "Ювентус" олдидаги мажбуриятлари ҳамон бор. Агар у маълум муддат ичида бошқа клуб билан келишувни расмийлаштиришга қарор қилса, "кекса синьора"га товон пули тўлаши керак. Агар бу масала ҳал бўлса, "Барселона" тажрибали дарвозабон билан шартнома имзолаши мумкин.
